Oifig na Gaeilge, Ollscoil Mhá Nuad

Tá Lárionad na Gaeilge an-sásta a fhógairt go bhfuil ball foirne dár gcuid, Sailí Ní Dhroighneáin, sásta a saineolas ar an amhránaíocht ar an sean-nós a roinnt le pobal na hOllscoile.  Beidh na ceardlanna ar siúl ó 1-2pm ó 9 Samhain.  Is cainteoir dúchais Gaeilge agus amhránaí sean-nóis as ceantar an Spidéil i gCo. na Gaillimhe í Sailí.  Tá an-suim aici sna hamhráin sean-nóis agus tá taithí aici ar a bheith ag reáchtáil ceardlann agus ag tabhairt léachtaí ar an ábhar sin. Chomh maith leis sin, d’éirigh léi an chéad áit san amhránaíocht sean-nóis a bhaint amach i bhFleadh Cheoil na Gaillimhe, Chonnacht agus na hÉireann sa bhliain 2014. 
 
Is éard atá i gceist aici a dhéanamh san uair an chloig seo ná plé a dhéanamh ar dtús ar chúlra an tsean-nóis agus ansin díriú ar amhráin faoi leith agus cleachtadh a dhéanamh le chéile ar na hamhráin sin má bhíonn fonn ar dhaoine!
 
Má tá suim agat a bheith páirteach sna ceardlanna seo , cuir ríomhphost chuig aisling.nibheachain@mu.ie.  Tá teorainn le líon na spásanna.
 
                                                                                                                                          
The Centre for Irish is pleased to announce that our colleague Sailí Ní Dhroighneáin will run lunchtime workshops ón sean-nós singing (traditional Irish language singing) for University staff and students, commencing Wednesday, 1-2pm, 9 November.  Sailí is a native Irish speaker and sean-nós singer from Spiddal, Co. Galway, who has a keen interest in sean-nós singing and has both facilitated workshops and delivered lectures on the topic. She won first place in the Galway, Connacht and the All-Ireland Fleadh Cheoil sean-nós singing competitions in 2014.
 
These workshops will give participants a chance to explore the history of sean-nós singing and songs, and indeed sing them together if people are so inclined!
 
If you’re interested in taking part, please email aisling.nibheachain@mu.ie.   Spaces are limited.