Dianchúrsa i Scríobh na Gaeilge
Is dianchúrsa ar líne é seo atá dírithe orthu siúd a bhfuil caighdeán maith Gaeilge acu cheana, ach ar mhaith leo barr feabhais a chur ar a dtuiscint ar an ngramadach, snas a chur ar a gcuid scileanna scríofa agus cur lena saibhreas teanga.
Beidh trí mhodúl i gceist sa chúrsa:
Dátaí 2025-2026
Bíonn ranganna ar siúl ar an Máirt agus/nó ar an gCéadaoin, ag brath ar éileamh. Sa tráthnóna (amanna le deimhniú) a bhíonn ranganna ar siúl thar dhá sheimeastar. Rang amháin dhá uair an chloig in aghaidh na seachtaine atá i gceist do rannpháirtithe an chúrsa.
Scrúdú Sheimeastar 1 ar siúl an tseachtain dar tús an 12 Eanáir 2025.
Scrúdú Sheimeastar 2 ar siúl an tseachtain dar tús an 11 Bealtaine 2026.
1. An bhfuil an cúrsa seo oiriúnach domsa?
Bheadh an cúrsa seo oiriúnach do dhaoine a bhfuil caighdeán maith Gaeilge acu ach atá ag iarraidh feabhas a chur ar a gcuid Gaeilge scríofa agus tuiscint níos fearr a fháil ar ghramadach na teanga. Is iad seo thíos na cineálacha daoine a bhainfeadh tairbhe as an gcúrsa seo:
Mura bhfuil tú cinnte go fóill an oirfeadh an cúrsa seo duit, déan teagmháil le [email protected].
2. Cén fáth ar cheart dom tabhairt faoin gcúrsa áirithe seo?
Is iomaí cúis a mbainfeadh daoine tairbhe as an gcúrsa seo:
3. An gá dom céim sa Ghaeilge a bheith agam le tabhairt faoin gcúrsa seo?
Ní gá. Glacfar le daoine a bhfuil pas le gradam bainte amach acu i scrúdú B1 TEG, pas i scrúdú B2 TEG, nó cáilíocht eile ag an leibhéal sin (e.g. B Oid). Mura bhfuil cáilíocht nó teastas foirmiúil den chineál sin agat, is féidir leat cur isteach ar an gcúrsa mar sin féin ach déanfar na hiarratais a mheas cás ar chás.
4. Cé mhéad uair an chloig teagaisc atá i gceist leis an gcúrsa?
50 uair an chloig teagaisc a bheidh i gceist sa chúrsa. Anuas air sin, beifear ag súil go gcaithfidh na mic léinn dua leis an ábhar breise a chuirfear ar fáil dóibh ar Moodle (ardán ríomhfhoghlama Ollscoil Mhá Nuad), agus beidh orthu tascanna gearra a chur isteach gach coicís, freisin.
5. Cad é an spriocdháta le haghaidh iarratas?
An 21 Iúil 2025. Beidh an fhoirm iarratais ar oscailt anseo go luath.
6. Cé mhéad atá ar an gcúrsa? Cén uair is gá an táille a íoc?
€600 an táille atá ar an gcúrsa. Ní mór an táille a bheith íoctha ina iomláine coicís, ar a laghad, roimh thús an chúrsa.
7. Cén trealamh a bheidh de dhíth orm le tabhairt faoin gcúrsa seo?
Beidh ríomhaire, ceamara gréasáin agus ceangal maith leathanbhanda ag teastáil le tabhairt faoin gcúrsa. Moltar do mhic léinn freisin an bogearra GaelSpell a cheannach (€37.00), ach is fúthusan a bheidh sé an cinneadh sin a dhéanamh.
8. An mbeidh orm leabhar ar bith a cheannach le tabhairt faoin gcúrsa?
Cuirfear cúrsa iomlán gramadaí ar fáil duit ar Moodle (ardán ríomhfhoghlama Ollscoil Mhá Nuad), agus dá bharr sin ní bheidh sé riachtanach leabhar gramadaí a cheannach. Tabharfar neart moltaí le linn an chúrsa maidir le leabhair mhaithe ab fhiú a léamh le feabhas a chur ar do chuid Gaeilge, ach ní bheidh iontu ach moltaí.
9. An mbeidh an cúrsa ag teacht leis an gCaighdeán Oifigiúil?
Beidh an modúl gramadaí sa chúrsa bunaithe ar an gCaighdeán Oifigiúil. Sa mhodúl ‘Caighdeán agus Canúint’, déanfar iarracht tuiscint níos caolchúisí agus níos leithne a chothú sna mic léinn ar an gCaighdeán Oifigiúil; breathnófar ar na comhthéacsanna inar ceart cloí leis agus ar na comhthéacsanna ina mbíonn solúbthacht níos mó ag an scríbhneoir. Beidh plé ar scríobh na gcanúintí mar chuid lárnach den mhodúl sin freisin.
10. An mbeidh cáilíocht agam i ndiaidh an chúrsa seo?
Níl cáilíocht oifigiúil ag dul leis an gcúrsa áirithe seo ach beidh deis ag na mic léinn, más mian leo, tabhairt faoi scrúdú TEG B2 nuair a bheidh an Dianchúrsa críochnaithe acu. Bronnfar teastas ar na mic léinn a n-éireoidh leo pas a bhaint amach sa Dianchúrsa ag ócáid bhronnta ag deireadh na bliana acadúla.
11. Cé a bheidh ag teagasc an chúrsa seo?
Is é Micheál Ó Maoilchiaráin atá ina stiúrthóir agus a bheidh ag teagasc an chúrsa seo. Is cainteoir dúchais as Conamara é Micheál. Tá taithí na mblianta aige ag múineadh cúrsaí cruinnis tríú leibhéal in ollscoileanna éagsúla agus tá sé ag múineadh an chúrsa seo le ceithre bliana. Bhain sé bunchéim le céadonóracha amach sa Ghaeilge agus sa Chorpoideachas in Ollscoil Luimnigh, céim mháistreachta le céadonóracha san Aistriúchán agus san Eagarthóireacht in Ollscoil Mhá Nuad, agus tá sé i mbun PhD sa Ghaeilge agus sa Cheol in Ollscoil na Gaillimhe i láthair na huaire.
An spriocdháta le haghaidh iarratas ná an 21 Iúil 2025.
Beidh an fhoirm iarratais ar fáil anseo go luath..
Tuilleadh eolais: [email protected]