Fáilte chuig an láithreán

    Is mór againn do chuairt. Sa láithreán seo tá eolas ar chúrsaí na céime agus na hiarchéime, ar an bhfoireann, agus ar imeachtaí na roinne.

    Welcome to the website of the Department of Modern Irish. In this you will find information on our undergraduate and postgraduate courses, on departmental staff and on various activities organised within the department.

    Cuirfear fáilte roimh iarratais ar an chúrsa MA sa Nua-Ghaeilge le haghaidh Meán Fómhair 2021.

    Beidh ceithre scoláireacht MA ar fiú €3000 an ceann iad á gcur ar fáil ag Roinn na Nua-Ghaeilge, Ollscoil Mhá Nuad, don bhliain acadúil 2021/2022. Tá bileog eolais faoi na scoláireachtaí le fáil anseo 

    Scoláireachtaí don MA Nua-Ghaeilge ar fáil 2021/2022

    Cén saghas cúrsa é?

    Cúrsa é seo dóibh siúd ar spéis leo eolas leitheadach domhain a chur ar theanga agus ar shaíocht na Gaeilge ar mhaithe le forbairt ghairmiúil agus forbairt phearsanta. Leagtar béim ar chruinneas agus ar shaibhreas teanga tríd síos ach tugtar deis do mhic léinn díriú ar na sainábhair is spéis leo féin. Chuige sin, tugtar rogha do mhic léinn tabhairt faoi cheann amháin de na trí shruth seo a leanas:
     
    •         Cruinneas, Saibhreas agus Cumarsáid (na meáin)
    •         Litríocht agus Critic
    •         Na Taibhealaíona agus An Traidisiún Béil

    Is féidir an chéim Mháistreachta a dhéanamh go lánaimseartha (bliain amháin) nó go páirtaimseartha (dhá bhliain). Trí mheán scrúduithe agus tionscnaimh taighde a dhéantar obair na mac léinn a mheas.

    https://youtu.be/eCK1KMfpWPQ

    Is féidir eolas a fháil ar an sruth nua MA Nua-Ghaeilge Taibhealaíona agus Traidisiúin Bhéil na Gaeilge sa bhileog seo Bileog eolais;Taibhealaíona agus Traidisiúin Bhéil nó dul i dteagmháil leis an Ollamh le Nua-Ghaeilge agus le Taibhealaíona, Tríona Ní Shíocháin, ag triona.nishiochain@mu.ie.